Láttu ekki streituna drepa þig!


Þegar streita nær tökum á fólki, örvar sjálfvirka taugakerfið alls konar starfsemi.

Hjartsláttur verður örari, öndun hraðari og svitamyndun fer í gang. 

 
Þetta eru viðbrögð líkamans við utanaðkomandi áreiti, til dæmis hættu. Streituviðbrögð gera okkur kleift að berjast eða flýja af hólmi þegar hætta steðjar að. Streita býr okkur undir átök.
 
Þessi viðbrögð líkamans stuðla að því að viðhalda jafnvægi, aukin svitamyndun þýðir að vöðvar kólna, en það kemur í veg fyrir að þeir ofhitni við aukna spennu.
 
Nútímamaðurinn lendir kannski ekki oft í slíkri lífshættu að hann verði að berjast eða flýja af hólmi. En andlegt álag er oft mikið í nútímasamfélagi. Andlegt álag vekur upp sömu streituviðbrögð.

Kvíði eða önnur andleg streitueinkenni geta meðal annars haft í för með sér aukna svitamyndun ásamt fleiru. 
 
Sumir vinna vel undir álagi og leita í aðstæður sem aukin pressa veitir þeim, einsog að geyma verkefni fram á síðustu stundu. Mun alvarlegra þó er að vera haldin kvíða sem nagar og dregur úr kjarki og þori.
 
Kvíðin getur birst í allskyns myndum og algjörlega að tilefnislausu. Hann getur orsakast af atvikum og kringustæðum, í sumum tilvikum getur hugsunin ein sem beinist að einhverju óþægilegu úr fortíðinni valdið kvíða. Einnig óþarfa áhyggjur vegna framtíðarinnar. 
 
Sjúklegur kvíði eða ótti eru hrikalega óþægilegar tilfinningar og leiða oft til mikils sársauka. 
 
Ef þú ert kvíðin/n úr hófi fram ráðfærðu þig við lækni. Þiggðu alla þá hjálp sem þér býðst. Til að byggja upp þinn innri styrk á ný.
 
Langvarandi kvíði getur leitt til þunglyndis og/eða vöðvabólgu, gigtar,.jafnvel óhóflegrar áfengisneyslu eða lyfjanotkunar. Svo ég minnist ekki ógrátandi á dauða viðkomandi. Sjálfsvígs.  
 
Það viljum við ekki!

 

Ert þú haldin eitthvað að þessum einkennum? Þekkir þú einhvern sem þú telur að þarfnist aðstoðar? 

 

Gerðu eitthvað, ekki seinna en strax - skipun!