Ódýr andlitslyfting sem virkar á viku!


Það þarf ekki að kaupa rándýr krem og húðvörur ef þú vilt gera eitthvað fyrir útlitið. Sumt af árangursríkustu vörunum eigum við eflaust inni í skáp eða ísskáp.

 

Baugar undir augum

Það besta til að lýsa upp dökka bauga er sítrus. Það er safi sem maður fær úr sítrónum og appelsínum. Hreinn sítrónusafi og örlítið salt sem borið er á baugana ætti að lýsa þá upp á nokkrum dögum.

 

Bólgur undir augum

Svæðið undir augunum rétt fyrir ofan kinnbein vill stundum bólgna upp. Sér í lagi þegar aldurinn færist yfir. Þetta þykir okkur afar hvimleitt og reynum að fela þetta með hyljara eða öðrum snyrtivörum. En lausnin er eflaust uppi í skápnum hjá þér.

 

Bleytið tepoka (dökkt te með koffíni), kælið og leggið á svæðið. Koffínið og efnin sem notuð eru í te minnka bólgurnar á undraverðum hraða.

 

Andlitsmaski

Það er óþarfi að kaupa rándýra andlitsmaska til að fríska uppá húðina. Oftast eru það ákveðnar sýrur sem virka best. Í hreinni jógúrt er mjólkursýra sem er undraefni á húðina. Dregur úr hrukkumyndun og nærir húðina. Þú einfaldlega berð jógúrt á húðina og lætur liggja í smá stund áður en þú þrífur hana af með hreinu íslensku vatni.

 

Það þarf enginn að fara á hausinn til að halda útlitinu fersku og frísklegu. Árangurinn er sjáanlegur á viku og buddan ætti algerlega að ráða við þetta.

 

Verum ferskar og fallegar.

 

Fylgstu með okkur á Facebook!