Fullnægðu konunni eða þú hlýtur verra af...


Frönsk kona stefndi manni sínum fyrir að standa sig ekki sem skyldi gagnvart henni þegar kom að kynlífi í hjónabandi þeirra. Maðurinn hefur hlotið sekt sem samsvarar 1,5 milljónum íslenskra króna. Niðurstaða þessi lá fyrir nú nýlega, en maðurinn er 51 árs gamall.
 
 
 
 
 
 
Konan sótti um skilnað fyrir tveimur árum og sagði ástæðuna vera þá, að maðurinn stæði sig ekki sem skyldi í hjónaherberginu. Skilnaðurinn gekk í gegn og kom fram í gögnum að kynlífssvelti í 21 ár í hjónabandi væri brot á sáttmálanum og algjörlega óásættanlegt.
 
 
 
Málsvörn mannsins var sú að hann þjáðist af síþreytu og heilsuleysi sem kæmi í veg fyrir að hann væri sá sprækasti þegar kæmi að kynlífi á milli laka þeirra hjóna.
 
 
Niðurstaða dómarans var eftirfarandi:
 
Kynferðislegt samband á milli eiginmanns og eiginkonu er sjálfsögð tjáning á formi ástúðar sem þau bera hvort til annars og sýna með þessum hætti. Í þessu tilfelli var maðurinn fjarverandi. Með því að giftast, samþykkir par að deila lífi sínu og það eitt felur í sér að stunda kynlíf saman.
 
Svo strákar mínir...takið ykkur saman í hjónarúminu. Fullnægið konunni.
 
Við kærum ykkur nú fyrir minna en það...!
 
heida@spegill.is