Skotheld sparnaðarráð - Ef þig langar í kaffi, farðu í Íslandsbanka, fínasta kaffi þar. Frítt.


Já, eða seldu krakkana þína og græddu smá aur. Ég meina eru ekki allir blankir?
 
Ég tók saman nokkur heilræði sem snúa að buddunni. Vittu til, brátt breytist allt til batnaðar:
 
Slökktu á sjónvarpinu og slökktu öll ljós. Segðu krökkunum að fjölskyldan sé í feluleik.
 
Þjálfaðu hundinn þinn þannig að hann betli mat af ókunnugum.
 
Nuddaðu furunálum undir hendurnar í stað þess að nota svitalyktareyði.
 
Ef þig langar í kaffi, farðu í Íslandsbanka, fínasta kaffi þar. Frítt.
 
Þegar þú ferð á veitingastað, farðu á salernið og stingdu minnst einni klósettrúllu í veskið.
 
Fáðu lánaðan tannbursta hjá nágrannanum.
 
Borðaðu sömu brauðsneiðina tvisvar.
 
Ekki borga fyrir barnapössun. Fáðu ungt par sem er í barneignarhugleiðingum til að leigja krakkana þína á kvöldin. Ekki aðeins losnarðu við að borga fyrir pössun, þú ert að græða pening!
 
Þegar börnin eldast er svo hægt að selja þau í hin ýmsu verk; eins og t.d. að slá blettinn eða þvo gluggana hjá nágrönnunum.
 
Taktu klukkur heimilisins úr sambandi í kringum miðnætti til að spara rafmagn.
 
Borðaðu hundamat.
 
Ljúgðu að ættingjum þínum að þú verðir erlendis yfir jólin. Þannig getur þú verslað allar jólagjafirnar á útsölum eftir hátíðirnar.
 
Settu prumpið þitt í fallegar krukkur og seldu á bland.is. Það á eftir að koma þér á óvart hvað fólk virkilega kaupir þar...
 
Ef þig vantar regnhlíf, farðu í tapað/fundið í Kringlunni og segðu að þú hafir týnt svörtu regnhlífinni þinni.
 
Njóttu alltaf ásta standandi, þannig kemur þú í veg fyrir óþarfa slit á hjónarúminu.
 
Seldu aðgang að bílastæðinu þínu, ef þú átt eitt slíkt.
 
Og að lokum besta sparnaðarráðið; ekki eyða krónu...ekki einu sinni í mat, það á eftir að koma þér á óvart hversu hratt þú grennist við það...og sparar.
 
Ég er að segja ykkur það, ég kann ráð við öllu! Eða þannig sko... 
 
 
 
 
 
Fylgstu með öllu því nýjasta á Facebook!